knocked up, skólinn og máninn minn :)

við ljósunemarnir skelltum okkur í bíó síðustu helgi! ég man ekki hvenær ég fór í bíó síðast...
leiðin lá á myndina knocked up, eðlilega, þar sem hún fjallar um okkar líf og yndi þessa dagana, meðgöngu og fæðingu :) hún var bara nokkuð góð og ég get því alveg mælt með henni! reyndar hugsaði ég ó nei þegar ég komst að því í byrjun hennar að hún er frá sömu framleiðendum og 40 year old virgin! sú mynd var ömurlega ófyndin og leiðinleg!

en nú er þriðja vikan af skólanum að klárast og gengur bara rosa vel :) brjálað að gera og fyrstu ritgerðarskil á morgun! ég ákvað að skrifa um feður í sængurlegu...held það sé alveg kominn tími á að við gerum e-ð í þeim efnum fyrir greyin! ömurlegt að þurfa að fara heim eftir fæðinguna ef konan fer ekki í hreiðrið! allar konur þurfa líka á mönnunum sínum að halda (ef þeir eru til staðar), ekki síst þær sem leggjast inn á sængurkvennagang því þær eru oftar veikari en þær sem fara í hreiðrið! já margar hugsjónirnar hjá okkur ljósunemunum þessa dagana :)

máni og óli eru líka hressir :) gengur rosa vel á leikskólanum...fóstrurnar segja mána algjört draumabarn vegna þess að hann sefur og borðar vel, er duglegur að kúka (híhí) og kann að leika sér! við erum náttúrulega voða proud með það ;)

við ætlum að eiga góða helgi, ritgerðin verður að baki og nýtt fag byrjar bara á mánudaginn...heilsugæsla á meðgöngu!

endalaust gaman að vera loksins byrjuð í skólanum :)