eintóm hamingja

jæja, þá er það komið á hreint! ef guð lofar (eins og hún móðir mín segir alltaf) þá verðum við óli foreldrar í lok janúar eða byrjun febrúar :)

þetta er það besta sem við höfum nokkurntíman upplifað...en um leið það mest scary! ég hélt einhvernvegin að maður yrði bara óléttur og ekkert með það! en VÁ! allar þær hugsanir sem fljúga í gegnum hugann manns, og áhyggjurnar...man oh man! manni fer nefninlega strax að þykja svo vænt um þetta litla kríli sem vex þarna inni! kannski hjálpar það áhyggjutýpu eins og mér ekki að vinna á kvennadeild þar sem maður heyrir hvern einasta dag um þá hluti sem gætu farið úrskeiðis...og þeir eru sko margir, það get ég sagt ykkur! þannig að mín kona reynir bara að vera raunsæ en vona og biðja alla daga eftir hinu besta! því yfirleitt gengur þetta jú mjög vel :)

óléttan hefur bara farið frekar vel í mig! engin ógleði til að tala um...bara heljarinnar mikil þreyta og skapsveiflur...sem óli er þó bara nokkuð góður í að tækla...hehe! ótrúlegt hvað stutt er í grátinn eða pirringinn ;) hann óli er búinn að vera svo góður við mig! hann eldar og þrífur og ég er hætt að geta talið skiptin sem hann hefur hlaupið út í búð fyrir mig bara af því að mig langaði svo mikið í eitthvað :) þannig að ég er alger prinsessa þessa dagana!

svo erum við að fara í sumarfrí eftir helgina! það verður yndið eina :) okkur var ráðlagt að halda bumbunni frá hitanum á krít (40 gráður hvorki meira né minna) þar sem við íslendingarnir erum ekki vön svoleiðis löguðu! eftir eitt vottorð fengum við endurgreitt og no problemo þannig að afslappelsið mun fara fram á landinu okkar góða! það er sko bara EKKERT verra :)

það eru komnar inn nokkrar myndir inn á MYNDIR 2 albúmið, bæði frá skírninni hann Baldurs dúllukalls og af honum Mola okkar :)